|
Jessas Leit heit gibts a Musi
(die böhmisch´Musi)
- Jessas Leut, heut gibt's a Musi,
bei der Wirtin auf da Reib´n,
kemmts vei oisammt, do weads lustig,
koana deaf dahoamat bleim.
Kimmt da Schwoga und da Vetta,
d´Glosaleit san a dabei,
selbstverständli kimmt a jeda,
zwander mit seim Wei.
- D´Scharenschleifer, d´Besenbinda,
ham heit ehnan groußn Dog,
kemma dans mit Wei und Kinda
und koan Kreizer Geld an Sog.
D´Wongschmierhandler, d´Kraxntroga,
san natürli oisam do,
da Mesna und da Doudngroba,
gengan a net o.
- Und de Madln und de Buama,
kemman a im Sundagwand,
Kepf hams wie de gelbn Ruama,
aber sunst sans gsund beinand.
Und da Girgl und sei Bäurin,
kemman a im Langsamschritt,
ja sogar der Öhl da oide,
der hatscht an no mit.
- De Trumpetn spuid da Muckl
und da Seppei s´Klarinett
da Wirtsxaverl mit sein Buckel
werklt auf ´n Zimbalbrett.
Da Schuilehra kratzt de Geign
Und da Boda schlogt d´Gitarr
Und da schena Zenz Ihr Mo,
blost an Bombradon.
- Alles duad glei Polka danzn,
alles schreit und alles schwitzt,
d´Holzschuah gengan glei in Franzn,
Deandl san scho ganz dahitzt.
Und de D´Buam de schrein vor Juchzn,
grod ois wia de wuidn Stier,
und so geht die ganze Gaudi,
furt bis in da Früah.
|
|
 |
