De Hoglbuachan - Texte - Kammerfenster Bua


	Kammerfenster Bua Wia scheint denn heid da Mond so schee a Drimmerl soid I weida geh Wia scheint denn heid da Mond so schee zu mein Deandl soid I geh! Lugg: Ja was hast denn na ogfangd? Gerse: Na bin I hoid ausse in de weite Welt und hob gschaugt, ob I ned a scheens Deandl find und wia I oane gfundn hob, na hobe hoid ogfangd... L: Ja was hast denn na ogfangd? G: Ja was hast denn na ogfangd - wia ma no grod oiwei so saudumm frogt! Hollaradirü, holaradirü , Kammerfensterlbua! Und wia I an ihr Fenster kimm schaugts aussa mit seim Gsicht - woasst woi! Sie sogt hoid glei mei liaba Bua, mit an Busserl werds hei nix. L: Ja was hast denn na ogfangd? G: Mei guad - hod scho a diam oane gsogt, dass mit'm Busserl nix werd. Hobe de lang Loadda aufgloand, bin auffe, übers Lambamme umme, übers Hinter-Diarl eine, übers Gsädbange umme, an langer Gang viere und eine in Kamer - und wia I drin war, na hob I hoid wieder ogfangd... L: Ja was hast denn na ogfangd? G: Ja was hast denn na ogfangd - wia ma no grod oiwei so saudumm frogt! Hollaradirü, holaradirü , Kammerfensterlbua! Na hob I mi glei zuawe glegt, glei zuawe glegt zu ihr, woasst woi; Da fangt sie glei zum Gneaschben o, a Drimmerl überm Knia. L: Ja was hods nachad do oiwei a so gneaschbed? G: Jamei - sie hod hoid oiwei gneaschbed und gneaschbed - woasd as ja aso wias d'Weibaleit oiwei machan - wos is ma nachad anders übrig blim, na hob I hoid a ogfangd... L: Ja wos hast denn na ogfangd? G: Ja wos hast denn na ogfangd - wia ma no grod oiwei so saudumm frogt! Hollaradirü, holaradirü , Kammerfensterlbua! Na kimmt hoid glei da Bauer z'weng, de Bäuerin a dabei - woasst woi De ham ma glei a paar hint nauf geb'n und ham gsogt jetz schleichst di glei! L: Ja was hast denn na da ogfangd? G: Ja Du, da hast Recht, da kannst no wos ofanga! Na bin I aussa vo da Kammer, an langa Gang viere, übers Gsädbange umme, beim Hinter-Diarl ausse übers Lambamme umme und owe über d'Loadda - und na hobe wieder ogfangd... L: Ja was hast denn na ogfangd? G: Ja was hast denn na ogfangd - wia ma no grod oiwei so saudumm frogt! Hollaradirü, holaradirü , Kammerfensterlbua!